1. fîlmeke ku min duh temaşe kir e. biyanî bûn, dejenere bûn, xerabûna têkiliyên di navbera ferdên malbatê, xerabûna hestan û li hev dûrketina mirovên civata amerîkayê peşkeş dike. fîlmeke serkefti ye.

2. Fîlma ku kevin spacey tê de dilîze. Ev yek bes e ku ji bo temaşekirinê.

Li ser jiyana malbatî, menfeatperestî, veşartina hestan û nejidilbûna mirovan fîlmekî gelek rind e.



----spoiler-----

Di fîlm de leşkerekî kevn ku wer bi mîlîtarîstî û mêrxasîya xwe pesnê xwe dide heye û bi vî hawayî zulmê li lawê xwe û jina xwe dike. Dixwaze ku ferdên malbata wî jî wekî leşkeran bêhest û fermî be. Lê ji nişkave derdikeve holê ku "gay" bûn pêre heye.

----spoiler----

http://www.imdb.com/title/tt0169547/

3. kevin spacey nêzî nîrvanayê dibe. bi lîstikvaniya xwe fîlmê hildigire û dixe di nav fîlmên herî baş. ev qasî fîşalkirin bes e. ligel lîstikvaniya spacey, lîstikvaniya lîstikvanên din, derhênerî, senaryo û muzîka fîlmê jî baş e. jixwe tene bi lîstikvaniyê fîlmek nikare xwe evqasî bide hez kirin. mijara fîlmê bi kurtasî li jor hatiye gotin, ne hewce ye ku ez jî binivîsim. Ez dixwazim qala çend hêma an jî em bêjin sehneyên fîlmê bikim.



hişyarî: spoîler

- bi kifş bûna hevzayendbûna cîranê wan ê mêr ê ku mîlîtarîst e, temaşevan şaş û mam dimîne.

dawiya spoîlerê



- sehneya ku lawikê kameravan dîmenên kîsikek û pelên ziha yên ku bê wan li ber xwe dibe, dikişîne pir meşhur e. lê li gor min ev sehne ewqas fîşalkirinê heq nake.

ew sehne: http://youtu.be/gHxi-HSgNPc



- sehneyek nêzî dawiya fîlmê heye ku min pir jê hez kir. jina serlîstikvanê fîlmê di siwareya xwe de ye û di radyoyê de muzîkek dest bi lêdanê dike. jinik bi strabêj re stranê dibêje.



herî dawî spoîlereke din bidim

ew îfadeya ser çavê kevin spacey a dema ku ew dimire, bi lîstikvaniyeke serkeftî hatiye dayîn. li gor min yek ji lîstikvaniyên herî serfiraz e..

dawiya spoîlerê



pêşniyarî we gişan dikim. teqez temaşe bikin..